Greqia shenon 81-vjetorin e festës kombëtare të “Jo”-së.
Pavaresisht pandemise dhe masave të marra për të parandaluar përhapjen e koronavirusit, në rrugët e qyteteve më të mëdha u zhvilluan aktivitete të ndryshme dhe parada.
Në Selanik, u zhvillua parada e madhe e ushtareve ku ,përveç avionëve luftarakë dhe helikopterëve të teknologjisë së fundit, në qiell fluturoi edhe avioni historik “Spit fire” i Forcave Ajrore Greke, një avion i rindërtuar i Luftës së Dytë Botërore.
Kryeministri grek Kiriakos Mitsotakis duke uruar qytetarët theksoi se tashmë Greqia është më e fortë ekonomikisht edhe gjeopolitikisht për të mbrojtur sovranitetin.
“Greqia është më e fortë gjeopolitikisht me Forcat e Armatosura të modernizuara, me aleancat ndërkombëtare, një vend që shtrin dorën e miqësisë për të gjithë, por në të njëjtën kohë është një vend që mund të mbrojë sovranitetin dhe të drejtat e tij sovrane. “
28 tetori i vitit 1940 njihet si dita e “JO”-së së Greqisë duke shënuar fillimin e luftës. Italia sulmoi Greqinë përmes Shqipërisë, por u befasua nga kundërpërgjigja kur Greqia hodhi poshtë një ultimatumin per te lejuar futjen e trupave pushtuese. Që atëherë kjo dite ne Greqi eshte feste kombetare.
/b.h
