Analisti Skënder Minxhozi, i ftuar në ‘Real Story’ komentoi qëndrimin e kreut të opozitës Sali Berishës në lidhje me dy vendet fqinje ku pritshmëritë për të siguruar vota të emigrantëve janë të mëdha.
Sipas tij, mundësitë për përkrahje nga qeveria italiane i ka minimale nisur nga qëndrimi i opozitës për projektin e Gjadrit.
“Nëse mbetem tek komponenti i Berishës, mendoj që kemi parë një pjesë të mozaikut mes Greqisë dhe Shqipërisë. Greqia i lexon sondazhet dhe di që Berisha ka marrë 7/61 bashki dhe asnjë nga këshilli bashkiak. Dimë që është në fund të karrierës politike, probleme me SHBA dhe Mbretërinë e Bashkuar dhe ka pak shanse të marrë frerët e politikës. Po shihet drejt konsolidimit të një marrëdhënie bashkëpunimi pra menaxhimit të asaj që kemi aktualisht në tryezë dhe jo me atë që na lidh me të shkuarën. Janë dy qeveri që kanë dalë një nga stinë përplasjesh dhe janë në një periudhë bashkëpunimesh, as mjaltë as e thartë.
Doktori sheh që Europa sipër është në kaos për shkak të raportit me SHBA. të vetme vende ku ka prezencë shqiptarësh janë Greqia dhe Italia. Qeveria italiane është jashtëzakonisht e mërzitur që opozita shqiptare në projektin e Gjadrit mbajti atë qëndrim që mbajti. Berisha kishte dhe ka dy mënyra për të ndërhyrë pranë dy qeverie që janë të interesuara për ngjarjet në Shqipëri. E vetmja qeveri e djathtë e cila ka dhe sensibilitet për çështjen Bejleri dhe gjen një sjellje më miqësore është qeveria greke. Me qeverinë italiane mundësitë për një përkrahje i ka minimale.”
