Fatkeqësisht 19-vjeçari shqiptar që u gjet me plagë në kokë në rrugën në hyrje të Gargalianit në ditët e fundit të dhjetorit e ka humbur betejën për jetën dhe sot është deklaruar i vdekur. I riu shqiptar mbërriti të premten e kaluar në spitalin e Agios Savvas, Athinë në gjendje të rëndë me plagë të mëdha në kokë.
Shqiptari u gjet në rrugë pa ndjenja, thuajse i vdekur nga kalimtarët dhe fillimisht u transferua në spitalin Kyparissia por për shkak të disa komplikacioneve ai u dërgua në spitalin e Tripolit e më pas në Agios Savvas në Athinë. Nuk dihen ende rrethanat e ngjarjes dhe identiteti i shqiptarit, i cili nuk arriti të mbijetonte duke humbur jetën sot.
