Një rast i rëndë është shënuar në Greqi, ku një ishullin Kos, ku një 25-vjeçar me origjinë shqiptare është denoncuar fillimisht për përdhunim, ndërsa më pas ka tentuar që të korruptojë policët duke u ofruar atyre para.
Siç raporton “Rodiaki”, një 17-vjeçare gjermane ka shkuar në Departamentin e Sigurimit të Kos dhe ka denoncuar 25-vjeçarin për përdhunim. Ajo tha se ata u takuan në një dyqan të kujdesit shëndetësor dhe përfunduan në plazhin e ishullit.
Policia gjeti dhe arrestoi 25-vjeçarin, por ai ka deklaruar se gjithçka ka ndodhur me dëshirën e 17-vjeçares.
Më pas 25-vjeçari u ka kërkuar oficerëve që të “mbyllnin” çështjen dhe ta linin të ikte, duke u premtuar se do t’u “jepte kafe” ose do t’u jepte çfarëdo që të kërkonin.
