Një shtetas grek ka qëlluar me armë shqiptarët, sepse teksa shihnin ndeshjen në një lokal në Greqi kishin shpalosur flamurin shqiptar.
Denoncimin e ka bërë një nga shqiptarët, duke treguar për ngjarjen te ‘jetaoshqef’. Tmerrin e kanë përjetuar nje 23- vjeçar shqiptar dhe shoku i tij i ngushtë.
Ngjarja ka ndodhur në një lokal në Kallamata, gjatë ndeshjes Southampton-Tottenham.
“Bashkë me shokun e ngushtë po shikonin ndeshjen dhe kishim me vete flamurin tonë kombëtar. Aty një nga 20 vetat që ishim në kafe gjuan në drejtim të flamurit tonë dhe plagoset shoku im i ngushtë. Kërkoj nga Ministri jonë i Jashtëm të drejta të barabarta”-shkruan Emiljano Lazeri, i cili thotë se u gjobit me 5800 euro me akuzën për provokim.
Ai tregon më tej se personi që qëlloi ishte grek. “Kemi 9 vjet që jetojmë aty dhe jemi të vetmit që e kemi mbajtur flamurin kombëtar me vete, por atij iu errën sytë dhe qëlloi”- tregon ai./a.k
