Një shtetas shqiptar, 41 vjeçar është arrestuar në zonën e Neo Irakleio, në Greqi, pasi akuzohet për posedim dhe trafikim të lëndëve narkotike, vecanërisht kokainës.
Emri i të arrestuar nuk bëhet me dije ende, por ai u kap nga punonjësit e policisë të Sektorit kundër Narkotikëve të Atikës, shkruan panorama.
Shqiptari ishte zbuluar pas një hetimi prej disa kohësh që kishin nisur autoritetet e zonës, për të identifikuar shpërndarësit e narkotikëve.
Në shtëpinë që shqiptari e përdorte si hapësira e magazinimit, për fshehjen e drogës, janë gjetur dhe konfiskuar, ndër të tjera, kokainë me peshë 152 gram dhe një sasi parash prej 600 euro, shkruan panorama.
Ndërkohë, në makinën e tij, në një zonë të dedikuar për fshehjen e drogës, janë gjetur dhe sekuestruar 11 gram kokainë gati për t’u shitur.
