Parlamenti grek miratoi sot, pas një debati që zgjati gjatë gjithë natës së djeshme, planin e tretë të shpëtimit financiar të vendit, njoftuan burime të ndryshme.
Ky plan i tretë i ndihmës financare, që është 85 miliardë euro, u miratua falë votave të opozitës.
Plani u miratua me 222 vota pro, 64 kundër dhe 11 abstenime.
Kryeministri grek, Aleksis Cipras deklaroi para votimit se priste që plani të miratohej ”për të siguruar mbijetesën e vendit dhe për të vazhduar punën e nisur”.
