Policia greke ka sekuestruar një sasi të madhe ari që po kalohej kontrabandë drejt Turqisë. Bëhet fjalë për një sasi prej 33.5 kilogram aro e cila u sekuestrua në një taksi që po dilte nga Greqia me destinacion Stambollin në Turqi. Në taksi u gjetën 18 pllaka ari, si dhe 4 kryqe. Një pjesë e metalit me vlerë ishte fshehur në shasinë e makinës ndërsa pjesa tjetër në çantat e 3 personave që udhëtonin me taksi.
Ari është vlerësuar në 800 mijë euro, ndërsa policia vuri në pranga poseduesit e arit nën akuzën e kontrabandës. Poseduesit po përpiqeshin të shmangnin shtetin helen pasi në të kundërt do t’u duhej të paguanin 200 mijë euro akcizë.
