Policia greke ka vënë 20 persona në pranga mes të cilëve 9 shqiptarë.
20 personat e arrestuar ishin pjesë e një trafiku të mirëorganizuar të drogës.
Mësohet se “truri i organizatës ishte shqiptari E.K. i cili u arrestua në Maqedoni.
Pjesa e grupit të të arrestuarve ishin edhe dy femra, njëra shqiptare.
Ky grup, sipas mediave greke, kishte arritur të rekrutonte
edhe punonjës të policisë, të cilët siguronin magazinimin dhe transportin e lëndës narkotike.
Banda mendohet se fuste në Greqi sasi të mëdha kokaine.
Policia e Atikës kishte rënë prej kohësh në gjurmë të trafikantëve, por i zhvilloi hetimet derisa arriti të zbulonte të gjithë anëtarët dhe kreun e tij.
Portat hyrëse të drogës ishin Shqipëria dhe ishulli i Kretës ku futej droga e ardhur nga Turqia. Nga Kreta ajo transportohej nëpërmjet linjave të tragetit për në Peloponez. Ndërsa nga Shqipëria transporti kryhej me autovetura.
Në ditën e operacionit policia sekuestroi:
1.795 kg kokainë
2.085 kg heroinë
7.864 kg kanabis
Laborator për përpunimin e drogës
dy pistoleta me tre karikatorë
dy armë
91 fishekë
dy shpata
një dorezë bronzi
një shkop prej druri
33.615 euro
5.100 lekë shqiptare
katër zinxhirë floriri
një dollar amerikan
gjashtë mjete
një motor
61 celularë
një tabletë
dy peshore elektronike
