Bankat greke do të qëndrojnë të mbyllura deri në 6 korrik, një ditë pas mbajtjes së referendumit për masat e propozuara nga kreditorët ndërkombëtarë.
Vendimi i qeverisë greke të kryeministrit Aleksis Tsipras ishte i paevitueshëm duke u shoqëruar me kufirin e vendosur për sasinë e likuiditetit që privatët mund të tërheqin cdo ditë, pra vetëm 60 euro.
Ndërkohë mediat greke e kanë krahasur këtë vendim me kohën e Enver Hoxhës në Shqipëri.
“Greqia do të bëhet si Shqipëria e Enver Hoxhës dhe Ramiz Alisë”, shkruajnë mediat greke. Ato shkojnë edhe më tej duke cituar një nga shprehjet e famshme të ish diktatorit: “Edhe bar do të hamë dhe nuk do të dorëzohemi e nuk do t’ia shtrijmë dorën askujt”.
