“Kathimerini” duke iu referuar turit ballkanik të ministrit të Jashtëm grek Nikos Kotzias dhe reagimit të Beogradit për deklaratat e shefit të diplomacisë greke në Prishtinë shkruan se Serbia nuk mund t’i imponojë Greqisë strategjinë e politikës së jashtme na rajon.
“Ka ardhur koha që miqtë tanë serbë të kuptojnë se Greqia ka politikën e saj të jashtme me parakusht interesat e saj dhe paqen e stabilitetin në rajon. Me pak fjalë, kur dhe si do ta njohë Greqia Kosovën këtë e vendos Athina bazuar në interesat e saj dhe këtë nuk ia ndalon dot Beogradi”, shkruan gazeta.
“Qeveria serbe duhet të kuptojë se nuk mund të çojë gishtin ndaj grekëve a thua se u drejtohet bashkëkombasve të saj në Bosnjë apo Kosovë. Mendësia e Millosheviçit nuk ka vend në Ballkanin e pasluftës. Greqia e pagoi shtrenjë pozicionin filoserb gjatë shpërbërjes së ish-Jugosllavisë dhe mori si dhuratë nga vëllezërit serbë njohjen e FYROM me emrin kushtetues Maqedoni”,shkruan “Kathimerini”. Sipas gazetës, Athina duhet të jetë e orientuar nga një politikë e jashtme që do t’u japë zgjidhje çështjeve të hapura shqiptaro-greke.
