5 të arrestuar në Vlorë për mbjellje droge. Mes tyre 4 janë gra të cilat janë kapur në flagrancë duke mbjellur drogë në një zonë në pyll.
Të arrestuarit janë personat me iniciale A. B., 59 vjeç, R. B., 58 vjeçe, F. R., 57 vjeçe, A. M., 55 vjeçe, banues në fshatin Llakatund dhe E. Y., 39 vjeçe, banuese në fshatin Akerni.
Arrestimi i tyre siç njofton policia u bë pasi janë kapur në kushtet e flagrancës duke tentuar të kultivonin bimë narkotike cannabis sativa në një zonë të pyllëzuar të fshatit Vllahinë, Vlorë.
Gjithashtu, gjatë kontrollit të ushtruar përreth territorit ku u konstatuan bimët narkotike, policia ka gjetur dhe sekuestruar dhe një sasi prej rreth 5 kilogramë cannabis sativa.
Materialet iu referuan Prokurorisë Vlorë, për veprat penale “Kultivimi i bimëve narkotike” dhe “Prodhimi dhe shitja e narkotikëve”.
Pas Vlorës ku u arrestuan 4 gra më në moshë, 2 më të reja janë arrestuar në Fier, ku është zbuluar një punishte e përpunimit.
Policia e Fierit deklaron zyrtarisht se në vijim të punës për goditjen e veprimtarisë kriminale në fushën e narkotikëve, specialistët e Seksionit për Hetimin e Trafiqeve të Paligjshme dhe Narkotikëve në DVP Fier, pas informacioneve të marra në rrugë policore dhe një hetimi disajavor, kanë bërë të mundur finalizimin me sukses të operacionit policor antidrogë të koduar “Hamili”, në kuadër të të cilit u bë kapja dhe arrestimi në flagrancë i shtetasve:
R. (D). B., 57 vjeç, banues në Hamil, Fier (organizatori i kësaj veprimtarie kriminale).
S. K., 38 vjeç, E. K., 33 vjeçe, E. K., 31 vjeçe, banuese në Ndermenas, Fier.
Gjithashtu u procedua penalisht dhe një shtetase tjetër.
g.kosovari
