Në mesin e popullatës chaouia në malet Aures, bukuria e një femre dikur gjykohej sipas tatuazheve të saj. Gratë që mund të takosh në këtë zona janë pothuajse të gjitha në moshë, me rrudha të shumta pleqërie kudo nëpër fytyrë dhe tatuazhe të deformuara, të cilat sikur e shpërfaqin të gjithë përvojën e tyre jetësore. Por kur ato flasin tingëllon sikur përbrenda të jenë ende vetëm 20-vjeçare, shkruan “Koha Ditore”. “Kështu ishte rregulli, ishte po ashtu edhe bukur shumë në modë”, thotë Fatma Tarnouni, një 106-vjeçare me fytyrën përplot tatuazhe. “Për të qenë të bukura, atëherë duhej të kishit tatuazhe, kështu që edhe unë i bëra”.
