Ish-ministri i Bujqësisë Edmond Panariti ka reaguar pas lajmeve për përfitimin e granteve nga kompania “Arbri Garden” e cila së fundmi është përfshirë në trafikun e 613 kg kokaine.
Përmes një statusi në rrjetet sociale, Panariti sqaron se kriteret e aplikimit, vlerësimi dhe vendim- marrja janë te strukturave te BE-se sepse AZHBR si pjese e Ministrisë së Bujqësisë ne 2015, ka qene përfshire ne proces trajnimi dhe nuk ka patur zë as në vendimmarrje dhe as në ekzekutim.
“Shpif, shpif se dicka mbetet !!! Nuk mund te perlyhet dhe baltoset Ministria e Bujqesise per dicka qe nuk i takon!! Financimi i dhomave frigoriferike per prodhime bujqesore te firmave SE-BI dhe Arbri Garden eshte bere me fonde te programit IPARD – like te administruara nga Bashkimi Europian, te ekzekutuara nga Agjensia Gjermane dhe te asistuara nga projekte mbeshtetese te USAID. Kriteret e aplikimit, vleresimi dhe vendim- marrja jane te strukturave te BE-se sepse AZHBR si pjese e Ministrisë së Bujqësisë ne 2015, ka qene perfshire ne proces trajnimi dhe nuk ka patur ze si ne vendimmarrje ashtu edhe ne ekzekutim. Kjo eshte e verteta”, shkruan Panariti./a.m.
