Menaxheri i mesfushorit të njohur Granit Xhaka, Ragip Xhaka, ka treguar se shumë klube janë të interesuara për shërbimet e lojtarit. Mesfushori i Borussia Monchengladbachut është i lidhur me një largim në janar dhe përfaqësuesit e tij thonë se kjo është e mundur. “Momentalisht nuk preferoj të flas për këtë”, ka thënë babai i lojtarit për “Napolicalciolive”, transmeton koha.net.
“Do të shohim çfarë do të ndodhë. Mund të them që disa klube të mëdha janë të interesuara. Gjithçka është e mundur, nuk përjashtojmë asgjë. Për momentin jam në pushime për sezonin e festave, kur të kthehem në Basel në fillim të janarit do të filloj të punoj për të ardhmen”, ka shtuar ai. 23-vjeçari ka luajtur 15 herë sivjet në Bundesligë duke realizuar tre gola.
