Granit Xhaka mund të transferohet në Premier Ligë. Kapiteni i Monchengladbachut, Granit Xhaka, karrierën e tij mund ta vazhdojë në Angli te Arsenali. Skuadra e Arsene Wenger, është e interesuar për mesfushorin shqiptar, raporton Sky Sport gjerman.
Londinezët janë në kërkim të një mesfushori qendror, pas lëndimit të Francis Coquelinit, dhe Xhaka duket zëvendësuesi më i mundshëm për francezin. Për Granit Xhakën, interesim kanë shprehur edhe Liverpool, Atletico Madrid e Bayern Muncih.
Xhaka ka kontratë me Borussia Monchengladbachun deri në vitin 2019, por sipas gjitha mediave botërore, ai po luan sezonin e fundit në Bundesligë.
