“Grafika 2015” është ekspozita, e cila është hapur në ambientet e galerisë FAB në kryeqytet. Emocione, zbulime individuale, lojëra kreative dhe stilizime interesante vijnë si rrjedhojë e pasionit të studentëve të pikturës.
Kjo ekspozitë ka sjell para publikut punimet në atelie grafike të disa studentëve të Fakultetit të Arteve te Bukura, Universiteti i Arteve.
Kjo ekspozitë prezanton gjithashtu punime që lidhen me grafikën e lirë, dizajnin grafik, vizatimin, pikturën, fotografinë dhe teknikat e përziera që kanë lidhje me letrën. Përkujdesja kuratoriale është bërë nga Prof. Asc Ardian Isufi dhe Petraq Papa.
