Dy partitë opozitare AKK dhe Nisma për Kosovën i kanë bërë thirrje Qeverisë së Kosovës që të jap dorëheqje dhe vend të shkoj në zgjedhje të parakohshme.
Madje drejtuesit e këtyre dy partive, kanë këmbëngul se do të ulën në një tavolinë me përfaqësuesit e pozitës vetëm nëse aty do të bisedohej për datën e shpalljes së zgjedhjeve të parakohshme.
Por kjo kërkesë e opozitës nuk pritet të gjej mirëkuptim tek partia me e madhe në pushtet PDK-ja.Shefi i GP të PDK-së, Adem Grabovci ka thënë se tani për tani nuk ka arsye që të shkohet në zgjedhje të parakohshme.
“Ne jemi për të gjitha veprimet të cilat ofrojnë zgjidhje, por tani jemi të bindur se zgjedhjet nuk janë zgjidhje, në atë moment kur të konstatojmë dhe të bindemi se zgjedhje janë zgjidhje, ne jemi të gatshëm të vazhdojmë tutje”, ka thënë Grabovci për ORAinfo, citon Zeri.
Ai i ka bërë thirrje AAK-së dhe Nismës që ta përgatisin një ofertë për qytetarët e vendit dhe të kthehen në Kuvend për t’i mbrojtur interesat e votuesve të tyre.
“Uroj sa me parë që AAK dhe Nisma ta përgatisin një ofertë për qytetarët e Kosovës dhe të kthehen në parlament për çfarë kanë marrë edhe votën e qytetarëve për t’i përfaqësuar dhe për t’i mbrojtur interesat e tyre”, ka thënë Grabovci, duke këshilluar partitë opozitare që në vend se të kërkojnë zgjedhje parlamentare të përgatiten për zgjedhje lokale të cilat pritet të mbahen vitin e ardhshëm. (b.an)
