Një grabitje spektakolare është regjistruar në Shtetet e Bashkuara, ku një mjet sportiv tip “Audi A4”, është zënë pritë në mes të rrugës nga dy automjete, nga të cilat kanë dalë njerëz të armatosur.
Fillimisht “Audi” bën përpara teksa 27-vjeçari i dëshpëruar tenton të largohet, por të paktën tre burra, dy të armatosur, dalin nga mjetet duke i drejtuar pistoletën. Më pas, ata tërheqin jashtë shoferin duke e hedhur përtokë, duke mbajtur armët në dorë gjatë gjithë kohës.
Sipas Departamentit të Policisë së Chicagos, një nga sulmuesit më pas i lidh duart prapa shoferit të makinës së grabitur, duke e lënë me fytyrë përtokë teksa të tjerët hyjnë për të marrë mjetin.
Të dyshuarit më pas largohen. Policia e Chicago konfirmon se ende nuk ka kapur asnjë nga gjashtë të dyshuarit e krimit shokues. Ata janë përshkruar nga dëshmitarët si afrikano-amerikanë nga 17 deri në 23 vjeç, të maskuar në fytyrë.
/a.r
