Një grabitje ka ndodhur në zonën e ish bllokut, në rrugën Ibrahim Rugova, ku dy të rinj të moshës 26 vjeçare kanë goditur me grushta një tjetër shtetas, 18 vjeçar, si dhe i kanë rrëmbyer celularin e bizhuteritë.
Madje 26 vjeçarët e identifikuar me inicialet A.Z dhe E.E, e kanë kanosur të riun duke i kërkuar dhe paratë që ka patur me vete.
Ngjarja ka ndodhur ditën e djeshme, raporton policia e kryeqytetit.
Komunikata e Policisë:
Më datë 05.11.2016, u referuan materialet në Prokurorinë e Rrethit Gjyqësor Tiranë dhe punohet për kapjen e shtetasve A.Z dhe E.E, vjeç 26 e 26, banues në Tiranë, pasi dyshohet, në rrugën “Ibrahim Rrugova”, kanë goditur me grusht, i kanë marrë 1 telefon dhe 2 bizhuteri, shtetasit F.Sh, vjeç 18, banues në Tiranë, dhe e kanë kanosur duke i kërkuar një sasi lekësh. Nenet 90 dhe 109/b të Kodit Penal./java/a.k
