Një automjet i ruajtjes private është grabitur mëngjesin e sotëm nga persona të armatosur, të cilët kanë arritur të marrin një sasi të konsiderueshme parash. Ngjarja ka ndodhur në autostradën Tiranë-Durrës ku nga të dhënat e para bëhet e ditur se kanë qenë tre persona të armatosur të cilët kanë grabitur me armë shumën e parave të cilat ndodheshim në makinën e security.
Tre autorët i kanë ndërprerë rrugën makinës së “Security”. Si pasojë e përplasjes së makinës, dy policët privatë kanë mbetur të plagosur.
Edhe pse të armatosur policët privatë nuk kanë qëlluar, ndërsa grabitësit kanë shtënë dy herë me pistoletë, por fatmirësisht pa të lënduar.
Pas marrjes së paracve, shumë e cila është e papërcaktuar, autorët janë larguar me një automjet tjetër, e cila është gjetur e djegur rreth 500 metra larg vendit të ngjarjes.
Policia ka mbërritur në vendin e ngjarjes dhe kanë nisur punën për identifikimin e autorëve dhe prangosjen e tyre. Nga të dhënat e para bëhet e ditur se automjeti transportonte shumën e parave qendrës tregtare QTU.
Redaksia Online
(Javanews.al)
