Një kambist është grabitur në Tiranë gjatë orëve të pasdites. Sipas të dhënave paraprake kambistit emri i të cilit nuk bëhet ende me dije i kanë marrë një shumë prej 18 milionë lekësh.
Ngjarja ka ndodhur në afërsi të stadiumit “Qemal Stafa”, pranë hotel Sheraton, pak pasi kambisti i tërhoqi paratë nga një bankë aty pranë.
Mësohet se atij i është afruar një person me maskë i cili e ka kërcënuar me armë zjarri.
Kambisti është detyruar t’u japë shumën e madhe të parave që kishte me vete ndërkohë pas ngjarjes ka njoftuar policinë. Së bashku me të ishte edhe një person tjetër. Policia ka ngritur disa postblloqe në zonë, ndërkohë po bëhet sekuestrimi i kamerave të sigurisë në bizneset aty pranë.
Sipas dëshmitarëve grabitësi kishte një bashkëpunëtor i cili e priste me motor disa metra më larg.
Njoftimi paraprak i policisë:
