Tre shqiptarë që kishin shkuar si turistë në Australi janë arrestuar në Melburn me akuzën si autorë të grabitjes së më shumë se 580 mijë dollarëve. Sipas policisë, ata kanë grabitur nga kasafort dhe bankomatet në vende të ndryshme të Australisë.
Simon Shehu, Gjergi Nika dhe Marsel Boka, në bashkëpunim me një shtetas të huaj, Aniello Vinciguerra, tani janë pas hekurave dhe përballen me akuzat për 82 raste grabitjesh.
Pasi shqiptarët mbërritën në Australi me familjet e tyre me viza turistike në vitin 2012 dhe u vendosën në Tullamarine, Victoria, pavarësisht se nuk ishin në gjendje të punonin në mënyrë të ligjshme, policia pasi u ka ekzaminuar të dhënat bankare, pa se në emër të tyre kishte pasuri të konsiderueshme, shuma të cilat nuk justifikoheshin se si ishin siguruar”.
Policia ende nuk ka përcaktuar rolin specifik të secilit prej tyre në bandën e plaçkitësve.
Por hetuesit pretendojnë se janë pjesë e një organizate të përbashkët kriminale, në të gjitha grabitjet.
