Pesë persona nga Vlora, Durrësi dhe Shkodra, të dënuar për grabitje banke dhe drogë, duhet të provojnë se pasurinë që posedojnë e kanë vënë në mënyrë të ligjshme.
Operacioni Forca e Ligjit iu ka dërguar formularin e deklarimit të pasurisë të dyshuarve.
Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:
-Aleksandër Sinanaj, banues në Vlorë, i dënuar për veprën penale “Vjedhja e bankave dhe arkave të kursimit”;
-Aldo Saka, banues në Durrës, i dënuar për veprën penale “Trafikimi i narkotikëve”;
-Aurel Laçku, banues në Durrës, i dënuar për veprën penale “Prodhimi dhe shitja e narkotikëve”;
-Halil Hoti, banues në Durrës, i dënuar për veprën penale “Trafikimi i narkotikëve”;
-Aleksandër Lazri, banues në Shkodër, i dënuar për veprën penale “Prodhimi dhe shitja e narkotikëve”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
/a.r
