Ministri i Brendshëm Sajmir Tahiri ka qenë i pranishëm në ambientet e komisaritatit nr.6 i cili nis restaurimin për t’u rikthyer brenda standarteve të kërkuara.
Por gazetarët e kanë pyetur ministrin në lidhje me grabitjen e Rinasit, çështje për të cilën Tahiri është shprehur se nuk mund të zgjidhet brenda orës apo ditës.
Pavarësisht kësaj, për ministrin Tahiri padurimi që shfaqet në të tilla raste për zgjidhjen e këtyre çështjeve tregon se ka besim tek policia e shtetit.
“Mua më rezulton që për ju janë ditë e shënuar kur ndodhin ngjarjet, dhe jo kur ato zbardhen. Mua më rezulton që policia e shteti ka zbardhur disa ngjarje, përfshi edhe për vjedhje bankash. Ju falenderoj që prisni prej nesh që ne t;i zgjidhim brenda orës apo brenda ditës. Por kjo tregon se ju keni besim tek ne… edhe pse nuk ndodh në asnjë vend të botës që të tilla çështje të zgjidhen brenda ditës, por bëni durim sepse rezultatet do të vijnë.”-tha Tahiri./java/a.k
