Prokuroria ka bërë publike sot dinamikën e grabitjes së Rinasit. Organi i akuzes ben te ditur se ka pasur shkëmbim zjarri mes policisë dhe grabitësve, ndjekja mes pas ka vijuar dhe rrugës u gjet një trup i pajetë, i cili i përket Admir Muratajt.
Gjatë kqyrjes atij i’u gjet një grantë dore, dy granta tymuese, një pistoletë, gërshërë dhe aparat për bllokimin e valëve. Më tej thuhet se u gjet një gjurmë e cila thuhet se është e Bengasit, i cili ndodhet aktualush nën arrest. Ai ka pranuar para hetuesve se e njeh Klement Çalën sepse e ka kushëri.
Dëshmitari Bengasi ka treguar se para 5 muajsh kushëriri i tij, Eldi Çala, i kishte thënë që të shkonte në Fushë Krujë për të marrë një furgon, por ai nuk kishte shkuar për arsye shëndetësore.
Nga përgjimet ambientale, dëgjohet se babai i Klementit dhe persona të tjerë i thonë se çfarë ka policia me të, ndërsa Klementi rezulton t’i ketë thënë se do të dëgjojë një tronditje të madhe.
Admir Murataj dhe Klement Çala kishin hapur një restorant teksa ishin persona në kërkim, në zonën e Liqenit të Thatë, në Tiranë. Janë punësuar në varrezën e makinave, të cilën e administronte babai i Klementit, thuhet në dëshmi, ndërsa Eldi Çala administronte një rrobaqepësi. Në vendim nuk jepet shuma e vlerave monetare të grabitura më 9 prill.
Automjeti Chevrolet, që u përdor në grabitje, Alkond Bengasi tregon se e kishte parë rreth 3 muaj më parë në servis. Këtë automjet e kishte marrë Eldi Çala dhe Talo Çela nga servisi dhe më pas këtë automjet e ka parë në televizor si automjetin e grabitjes. Në takimet e mbajtura te Liqeni i Thatë me Admir Muratajn dhe Klement Çalën ishte i pranishëm edhe një person nga Kosova, rreth 50 vjeç, të cilin e thërrisnin Daja./tch
/a.meta
