Ministri Brendshëm Sandër LLeshaj ka reaguar për grabitjen në Rinas.
Në një dalje për mediat, LLeshja deklaroi se kompania kineze e sigurisë ka dështuar në misionin e saj. Sipas tij ajo nuk ka arritur të sinjalizojë policinë.
Në një konferencë për mediat një ditë pas grabitjes së bujshme brenda në pistën e avionëve të aeroportit të Rinasit, Lleshaj deklaroi se udhëtarët paguajnë nga 3 euro për sigurinë, dhe vetëm kjo do të kishte mjaftuar që situata të ishte ndryshe.
“Koncensionari i ka refuzuar kërkesat e Policisë së Shtetit për rritjen e sigurisë, por as nuk ka denjuar që të kthejë përgjigje”, tha ministri.
Ministri foli për një marrëdhënie të vështire me kompaninë koncensionare në aeroportin e Rinasit, duke thënë se autoritetet ligjore do të marrin masa.
“U cënua rëndë siguaria e rinasit u vu në rrezik serioz jeta e punonjësve të policisë. Nuk kanë funksionuar mekanizmat e sigurisë përgjegjësi e kompanisë kineze. Kompania ka dështuar të përmbushë përgjegjësitë e saj, për sigurinë fizike. Nuk zbatuan standardet e sigurisë së detyrueshme. Do kishte mjaftuar vetëm pjesa e parave të përvitshme. Do të marrin masa ligjore dhe të forta për të garantuar të gjitha standartet në aeroportin e Rinasit”, u shpreh Lleshaj duke ia ngarkuar përgjegjësinë koncensionarit të aeroportit të Rinasit.
Lleshaj tha se ishte reagimi i shpejtë i Policisë së Shtetit që tashmë në duar të autoriteteve janë një sërë provash që mund të cojnë drejt zbardhjes së grupit të grabitësve.
Lleshaj felenderoi qytetarët, për bashkëpunimin dhe besimin tek Policia e Shtetit, ndërsa nuk la pa shprehur mllef ndaj politikës që lëshon akuza.
Në përfundim të deklaratës, ministri Sandër Lleshaj garantoi udhëtarët se siguria e tyre në aeroport nuk do të cënohet.
g.kosovari
