Një grabitje ka ndodhur në aeroportin e Rinasit të Tiranë, mesditën e sotme. Grabitësit kanë hyrë brenda perimetrit të sigurisë së pistës dhe kanë grabitur disa thasë me para nga një makinë e transportit të vlerave monetare.
Ka pasur rezistencë gjatë grabitjes dhe të shtëna me armë, dhe për pasojë ka mbetur i vdekur një nga grabitësit.
Mësohet se autorët e grabitjes kanë qenë me një makinë pa targa dhe me mbishkrimin “Hetimi tatimor”.
Nga informacionet e para grabitja është kryer nga 4 persona të cilët kanë qenë me një furgon të bardhë.
Grabitja ndodhi rreth orës 15:00 dhe autorët ishin të veshur me rroba ushtarake dhe dhe gjatë grabitjes raportohet se ka pasur shkëmbim zjarri dhe dyshohet për një të vdekur.
Dyshohet se në mjetin e blinduar ndodheshin 1.5 milion euro por ende nuk ka një shifër zyrtare për shumën e grabitur. Forca të shumta policie ndodhen në vendngjarje dhe kanë bllokuar edhe aksin rrugor Rinals-Valias.
Mësohet se forcat RENEA janë vënë në ndjekje të autorëve, ndërsa e gjithë Tirana është në shtetrrethim. Në të gjithë kryeqytetin dhe rrugët hyrëse e dalëse me Tiranën janë ngritur postblloqe nga policia.
Informacion paraprak
Pak minuta më parë, pranë aeroportit ndërkombëtar “Nënë Tereza”, në Rinas, dyshohet se disa persona ende të paidentifikuar, me maska dhe armë pasi kanë thyer derën e rrethimit që përdoret nga shërbimet zjarrfikëse, kanë grabitur një sasi lekësh në pistën e avionit dhe janë larguar.
Në ndjekje të tyre janë vënë forcat e FNSH dhe ato të Policisë Kufitare të Rinasit.
Gjatë ndjekjes në një rrugë dytësore, autorët kanë shkëmbyer zjarr me Policinë, e gjatë këtij shkëmbimi ka humbur jetën njëri prej autorëve të grabitjes. Policia ka gjetur ndërkohë dhe bllokuar një mjet fugon.
Forca speciale policore si RENEA e FNSH, të ndihmuara nga një helikopter janë ende në ndjekje të autorëve të grabitjes.
Të angazhuara në operacionin e gjerë janë edhe forca nga Policia e Tiranës, Lezhës, Dibrës e Durrësit.
g.kosovari
