Një ditë pas grabitjes së bankës në ambientet e zyrave qendrore të Hipotekës në Tiranë, janë arrestuar dy punonjës të kompanisë private të sigurisë. Roja i objektit dhe përgjegjësi i sigurisë së sallës, kanë rënë në pranga me akuzën e shpërdorimit të detyrës. Ata akuzohen për mosveprim në momentin kur auitori hyri në ambientet e Hipotekës dhe nën kërcënimin e armëve grabiti rreth 300 mijë lekë të reja.
Njoftimi i policisë:
Më datë 15.01.2018, u arrestua në flagrancë per veprën penale të shpërdorimit të detyrës shtetasi F.F., 48 vjeç, banues në Kashar, me detyrë punonjës i SHPSF-së dhe u referuan materialet në Prokurorinë e Rrethit Gjyqësor Tiranë, për shtetasin R. K., 61 vjeç, banues në Tiranë, me detyrë operator i qëndrës së kontrollit “SHPSF- së, pasi rreth orës 14:05, në rrugën ”Panorama”, brenda godinës së ZVRPP-së, një person me kapuç, ka vjedhur nën kërcënimin e armës një sasi lekësh në Agjensinë e filialit të një Banke te Nivelit të Dytë, që ndodhej në sallën e shërbimit e cila ishte në ruajtje të F.F. Parashikuar nga Nenet 136 e 248 të Kodit Penal.
