Policia e Tiranës arrestoi ditën e sotme tre autorët e dyshuar të grabitjes së 8 gushtit, ku një banke të nivelit të dytë iu vodh kasaforta me 200 mln lekë.
Por si u zbuluan autorët? Sipas “BalkanWeb”, ka qenë një shenjë gishti e të arrestuarit Roland Ziti që ka tradhtuar autorët.
Policia pati gjetur shenjën e gishtit të Zitit në vendngjarje dhe ka identifikuar atë, duke qenë se është person me precedent penal.
Një ditë pas grabitjes së bankës, më 9 gusht, Ziti dhe Alan Babameto 23 vjeç udhëtuan drejt Malit të Zi.
Identifikimi i 37-vjeçarit çoi në arrestimin e tij dhe të dy grabitësve të tjerë, që morën 200 milionë Lekë nga kasaforta e bankës, duke gërrmuar murin nga një mjedis që është ngjitur me bankën.
Ndërsa i arrestuari tjetër është Robert Kulla, i biri i të fortit të Tiranës, Nehat Kullës.
Panorama/d.i.
