Policia e Tiranës ka lënë të lirë të gjithë personat që mbaheshin të shoqëruar si të dyshuar, apo si persona që mund të kishin dijeni për grabitjen e ndodhur të enjten në rrugën e Rinasit, shkruan sot gazeta Panorama.
Vetëm një person vijon të mbahet i shoqëruar, edhe pse Policia nuk jep shpjegime në lidhje me ndalimin e tij apo mundësinë për arrestim, pasi pritet një vendim nga Prokuroria.
Personi që ndodhej deri mbrëmë në ambientet e Drejtorisë së Policisë së Tiranës, shtetasi me iniciale F.Xh., nga Lushnja, është shoqëruar tri ditë më parë bashkë me të vëllain.
Ky i fundit u la i lirë, ndërsa F.Xh. vijon të qëndrojë në polici, për shkak se nuk ka argumentuar prezencën e tij pranë zonës ku ndodhi ngjarja, para, gjatë dhe pas grabitjes./a.m.
