“Do të zbardhim këtë ngjarje siç kemi zbardhur të tjerat. Polici nuk dorëzohet nga sulmet publike që i bëhen”, deklaroi Tahiri.
Këtë deklaratë ai e dha gjatë një aktiviteti në ambjentet e Repartit RENEA, ku ishte i pranishëm në një aktivitet ku u prezantuan pajisje të reja për forcat speciale.
Tahiri tha se qeveria ka shpenzuar 4 milionë dollarë për armatimin e RENEA-s, ndërsa theksoi se nuk do të mungojë mbështetja e ekzekutivit për Policinë e Shtetit.
“Kjo qeveri ka shpenzuar 4 milionë USD për pajisje të reja, armatim të ri për RENEA, për të luftuar kriminalitetin me shumë sukses. Ky nuk është i vetmi sektor ku kemi investuar për një polici të mirë, pasi kemi investuar në zyrat e shërbimit unik, në mjete të reja, burime njerëzore, akademia e policisë nxjerr njerëz të kualifikuar, po investojmë edhe në forcat speciale. Shumë shpejt do të jetë gati reparti i ri për RENEA. Është një investim njerëzor dhe buxhetor për Policinë e Shtetit, në mënyrë që policia të japë shërbimin e duhur në luftë kundër kriminalitetit”, u shpreh Tahiri.
