Grabit nën kërcënimin e armës një shumë lekësh në një kazino, identifikohet dhe arrestohet në kohë rekord nga policia.
Gjatë arrestimit i gjenden dhe 6 doza lëndë narkotike e dyshuar Kokainë.
Shërbimet e policisë të D.V.P. Tiranë, bënë të mundur identifikimin dhe arrestimin e shtetasit :
– Duart Berziu, 48 vjeç, banues në Tiranë.
Arrestimi i këtij shtetasi u bë pasi:
Më datë 08.08.2017, rreth orës 17:50, në një kazino në autostradën Durrës -Tiranë, nën kërcënimin e një arme tip pistoletë i ka marrë një shumë lekësh punonjësit të kazinos dhe më pas është larguar me një motorr pa targa.
Në momentin e arrestimit, gjatë kontrollit të ushtruar në mjetin motorr tip “Zongshen”, iu gjetën 6 doza lëndë narkotike, e dyshuar e llojit kokainë si dhe një shumë prej 18.000 lekë të reja.
U sekuestruan në cilësinë e provës materiale :
– Mjeti motorr tip “Zongshen”.
– 6 doza lëndë narkotike e dyshuar e llojit kokainë.
– 18 000 lekë të reja.
Materialet u referuan në Prokurorinë e Rrethit Gjyqësor Tiranë, në ngarkim të shtetasit të lartpërmendur për veprat penale “Vjedhje me dhunë” dhe “Prodhim dhe shitja lëndëve narkotike”.
