Policia e kryeqytetit ka arritur që të zbardhë vjedhjen e një pike karburanti të ndodhur mbrëmjen e datës 24 janar në Sauk të Vjetër.
Zyrtarisht, blutë e Tiranës njoftojnë se kanë identifikuar dhe arrestuar autorin e dyshuar të ngjarjes.
Ndalimi i shtetasit K.B, 26 vjeç është bërë nga Shërbimet e Policisë të Komisariatit Nr.1.
“Ky shtetas më datë 24.01.2019, në Sauk të Vjetër, dyshohet të ketë vjedhur në një pikë karburanti 25 000 lekë. Materialet i kaluan Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Vjedhja”, parashikuar nga neni 134 i Kodit Penal” – njofton Policia e Tiranës.
/a.rada
