Policia e Tiranës ka bërë të mundur identifikimin dhe arrestimin e njërit prej autorëve të vjedhjes me dhunë në një pikë karburanti në zonën e Ibës.
Mësohet se në pranga është vënë Ergit Shyti, 20 vjeç, banues në Tiranë, ndaj të cilit policia e Tiranës ka arritur të sigurojë prova të mjaftueshme se ai është një nga autorët e dyshuar të vjedhjes me dhunë në pikën e karburantit në fshatin Ibë ndodhur më datë 04.02.2017.
Nga ana tjetër, nga blutë e kryeqytetit, në cilësinë e provës materiale janë sekuestruar tre telefona të markave të ndryshme si dhe një portofol në të cilin gjendeshin njëqind e gjashtë dhjetë e një mijë lekë të vjetra dhe dhjetë Euro (valute ).
Po ashtu, mësohet se Specialistët e hetimit të krimeve po vazhdojnë hetimet për identifikimin e autorit të dytë të përfshirë në këtë ngjarje dhe vënien e tij para përgjegjësisë penale.
Materialet iu kaluan Prokurorisë pranë Gjykatës së Shkallës së Parë Tiranë për veprën penale të ‘Vjedhjes me Dhunë e kryer në bashkëpunim’. /b.d
