Një grabitje ka ndodhur në orët e para të mëngjesit të së hënës në qytetin e Bilishtit, Devoll. Tre persona ende të paidentifikuar nga policia kanë vjedhur xhiron ditore të një karburanti në dalje të qytetit të Bilishtit.
Sipas informacioneve nga policia bëhet e ditur se është marrë një shumë prej 160 mijë lekësh dhe 160 euro.
Mësohet se tre personat pasi kanë hyrë në ambientet e brendshme të karburantit kanë kërcënuar punonjësin dhe më pas kanë marrë lekët dhe janë larguar.
Policia ka sekuestruar pamjet e kamerave të sigurisë për të identifikuar autorët. /e.s/
