Grabitet automjeti i Presidenti të klubit të Futbollit të Kukësit, Safet Gjici. Mësohet se nga mjeti tip “Toyota” në pronësi të Gjicit janë grabitur para, një celular si edhe dokumente nga persona ende të paidentifikuar dje në ‘Rrugën e Kavajës’, pranë një taverne.
Burime nga policia e kryeqytetit bënë me dije se autorët kanë arritur të vjedhin një shumë të konsiderueshme parash, rreth 1 milion lekë. Ka qenë shoferi i Gjicit, shtetasi me inicialet Rr.L, 33 vjeç, ai që ka bërë denoncimin në polici, ndërsa kjo e fundit nisi hetimet për identifikimin dhe kapjen e autorëve të ngjarjes.
NJOFTIMI I POLICISE
Më datë 02.11.2016, shtetasi Rr.L, vjeç 33, banues në Tiranë, kallëzon se, në rrugën e “Kavajës”, pranë një zgare, në mjetin tip “Toyota”, i kanë vjedhur një çantë me një sasi lekësh, një celular, dhe dokumenta të shtetasit Safet Gjici, vjeç 44, banues në Tiranë. Punohet për identifikimin dhe kapjen e autorit. Neni 134 i Kodit Penal.
ma.me
