Ministri i Drejtësisë, Ylli Manjani, ka urdhëruar nisjen e menjëhershme të hetimit mbi dhunën e ushtruar mbi dy të paraburgosur.
“Dhuna ndaj personave të ndaluar përbën vepër penale. SHKB të evidentojë ngjarjen që ka ndodhur”, është shprehur ministri.
Dy të arrestuarit janë Artur Polovina dhe Ismet Kumria dhe dyshohet se janë rrahur nga gardianët dhe njëri prej tyre ka përfunduar në spital në gjendje të rëndë.
Ata vetëm pak ditë më parë kishin tentuar të grabisnin një banesë në Kuçovë, ku u përleshën edhe me të zotin e shtëpisë.
Mirëpo, Policia thotë se dy të arrestuarit janë rrahur nga një prej familjarëve që jetonte te banesa që ata tentuan ta grabitnin. Ky i fundit po ndiqet në gjendje të lirë.
Njoftimi
Ministria e Drejtesise njofton se: Sot me date 6 maj 2016, nga ana e policise se shtetit jane dorezuar ne paraburgim shtetasit A.P dhe I.K.
Shtetasit e arrestuar jane dorezuar ne gjendje te rende shendetesore dhe me demtime te dukshme fizike per shkak te dhunes se ushturar, ndersa njeri nga te arrestuarit ka demtime me te renda dhe gjendet ne spital.
Ministri i Drejtesise, z. Ylli Manjani ka urdheruar Sherbinin e Kontrollit te Brendshem te Burgjeve qe te evidentoje ngjarjen dhe ta referoje menjehere rastin ne Prokurori, ndersa sjell ne vemendje se ushtrimi i dhunes ndaj personave te ndaluar perben veper penale.
Aktualisht, personave te demtuar po ju merren deshmite paraprake dhe ceshtja do t’i referohet prokurorise.
D.I.
