Autoritetet greke kanë identifikuar dy shqiptarët e akuzuar për vrasjen e biznesmenit Aleksandros Stamatiadis, në prill të vitit të kaluar, në Kifissia.
Për arsye hetimore ata janë identifikuar vetëm me inicialet A.F, dhe T.K, ky i fundit i fshehur në Shqipëri, sipas mediave greke.
Mësohet se shqiptarët janë anëtarë të bandës së hajdutëve, të arrestuar 4 vjet më parë për plaçkitje dhe vjedhjen e disa banesave në Attikë dhe të liruar kohët e fundit.
Duke u kthyer të vrasja, 52-vjeçari Stamatiadis, u plagos rëndë nga grabitësit që hynë në shtëpinë e tij në Kifissia, dhe ndërroi jetë në spital rreth 19 ditë më vonë.
Për të kërkuarin tjetër, ka dyshime se fshihet në një nga vendet e Bashkimit Europian. /a.rada
