Presidenti i fundit i Bashkimit Sovjetik, Mikhail Gorbachev, beson se në kufijtë e ish Bashkimit Sovjetik mund të krijohet shteti i ri federal.
“Unë mendoj se mund të kemi një Bashkimi Sovjetik të ri. Në kufijtë e mëparshëm dhe në të njëjtën përbërje, në baza vullnetare “, tha Gorbachev, i cili shtoi se nga vetja e tij heqë “një pjesë të përgjegjësisë” për shpërbërjen e Bashkimit Sovjetik, pasi ai luftoi për të deri në fund.
Sipas mendimit të tij, në atë ngjarje kanë ndikuar një sërë faktorësh, duke përfshirë grushtin e shtetit të Komitetit Shtetëror për Situata të Jashtëzakonshme në gusht 1991 dhe specifikat e karakterit të Presidentit të parë të Rusisë, Boris Jelcin, raporton Sputnik.
Siç vlerëson Gorbachev, Jelcin thjesht “nuk e kuptoi se roli i tij ishte i rëndësishëm dhe jo ajo që ai filloi t’a bënte – thjeshtë filloi që të luftojë kundër qendrës së Aleancës”.
Prandaj, përpjekja për të krijuar një komb të bashkuar dështoi në Bashkimin Sovjetik dhe u detyruan që të bien dakord me Rusinë. Gorbachev hodhi poshtë versionin që shpërbërja erdhi si pasojë e perestrojkës (reformat e propozuara nga Gorbachev).
“Te mendosh ashtu është gabim i madh historik. Gjatë perestrojkës, vendi ka hyrë në rrugën e lirisë dhe demokracisë. Ajo u tregua e vështirë. Më e rëndë se kur e filluam. Megjithatë, tha ai, ishte dhe mbetet i bindur, zhpërbërja ishte e pakthyeshme”, ka thënë Gorbachev./a.m.
