Google po teston një shërbim të ri që do të lejojë përdoruesit të regjistrohen tek llogaritë e tyre pa pasur nevojë që të mbajnë mend fjalëkalimet e gjata dhe të komplikuara. Përdoruesi duhet vetëm të ketë një telefon inteligjent Android për të përfituar nga kjo veçori.
Ju mund të regjistroheni shumë lehtë tek shërbimi, dhe sapo ta keni bërë këtë, ju mund ta përdorni telefonin tuaj për të hyrë tek çdo llogari e Google.
Një veçori të tillë po e testojnë edhe Microsoft dhe Yahoo, të cilat po përpiqen që t’i japin lamtumirën fjalëkalimeve. Nuk është bërë e ditur akoma se kur kjo veçori e re do të përhapet tek të gjithë përdoruesit.
