Burimet nga policia e Vlorës bëjnë me dije se një automjet nuk i ka ndaluar patrullës së policisë.
Sipas burimeve, bëhet me dije se mjeti ka qënë duke lëvizur në qytet, teksa një prej pikave të kontrollit në Vlorë i ka kërkuar të ndalojë.
Automjeti nuk ka ndaluar duke u larguar me shpejtësi. Kjo gjë ka bërë që patrulla e policisë të lejë pikën e kontrollit dhe të fillojë ndjekjen.
Më pas është kërkuar ndihma e njësisë operacionale dhe FNSH për ta ndjekur mjetin.
Bëhet fjalë për një mjet të llojit Golf 7 të bardhë. Mjeti është ndjekur nga tre strukturat e policisë, FNSH, operacionales dhe Policisë së Vlorës në brendësi të qytetit.
Por Policia nuk kanë mundur ta kapin brenda Vlorës. Më pas mjeti është futur në autostradë dhe tashmë sipas informacioneve ndjekja vazhdon në Fier.
