Një vrasje është parandaluar pasditen e sotme në Golem të Kavajës, ndërsa një burrë ka tentuar të vrasë ish-bashkëshorten e tij.
Burime për News24 bëjnë me dije se një shtetas ka tentuar të qëllojë gruan, ndërkohë që policia ka parandaluar krimin me ndërhyrjen e saj.
Ngjarja ka ndodhur në lokalin ‘Horizont’ buzë detit, ndërsa agresori është vënë nën pranga. Atij i është sekuestruar një armë tip pistoletë, ndërkohë që kanë nisur hetimet për zbardhjen e ngjarjes së sotme në restorant.
Të njëjtat burime bëjnë me dije se çifti nga Tirana kanë qenë duke drekuar në restorant ndërsa Fadil Kasemi ka nxjerrë pistoletën pas një debat. Çifti mendohet të ketë qenë i divorcuar prej kohësh.
