Barcelona është shumë pranë që të arrijë dy goditje të mëdha në merkaton e të verës, duke transferuar Philippe Coutinhon dhe Ousmane Dembelen, konfirmon menaxheri gjeneral i klubit spanjoll, Pep Segura.
Blaugranat i kanë identifikuar Coutinhon dhe Dembelen si dy lojtarë shumë të rëndësishëm për ekipin, pas largimit të Neymarit për 222 milionë te Paris Saint Germain.
“Coutinho dhe Dembele që të dy janë shumë afër. Shpresojmë që ata të veshin fanellën e Barcelonës. Edhe përkundër se marrëveshjet janë afër për t’u arritur, nuk mund të them asgjë. E dimë se kemi nevojë të ndihmojmë ekipin me përforcime dhe atë po bëjmë”, deklaroi Segura./a.m.
