Policia e Shtetit ka zhvilluar një aksion gjatë natës mes të mërkurës dhe të enjtes, në qytetin e Vlorës.
Aksioni “Forca e ligjit” ka si synim goditjen e grupeve kriminale dhe aktiviteteve të paligjshme.
Prej kohësh aksione të tilla zhvillohen në qytete të ndryshme, dhe kanë në fokus shkatërrimin e grupeve kriminale.
Më konkretisht synohet goditja e grupeve që merren me trafik droge dhe të përfshirë në krime të ndryshme.
Detajet e operacionit nuk bëhen ende me dije dhe as nëse ka të ndaluar.
Operacioni më i fundit i “Forcës së ligjit”, shkatërroi grupin e “Bajrave” në Shkodër, i cilësuar si një ndër më të rrezikshmit.
