Goditet nga rrufeja, shpëton falë sutjenave që mbante veshur
Një grua në Kinë ka shpëtuar nga rrufeja falë sutjenave. Gruaja me emrin Lai, mundi që të shpëtojë mrekullisht nga goditja e rrufesë gjatë kohës që ishte duke ecur rrugës në mes të një stuhie, në Guangzhou të Kinës. Duket se telat e sutjenave kanë arritur që të devijojnë shkarkimin elektrik, duke mos e goditur në organet vitale.
Gruaja ishte duke kaluar një urë druri dhe në dorë mbante një çadër. Duket se çadra ka tërhequr edhe rrufenë drejt saj. Gruaja ra në tokë dhe një kalimtarë i rastit e ndihmoi. Rrobat e saj po digjeshin në trup.
“Diçka shumë e dhimbshme më goditi në gjoks. Më dukej sikur po digjesha-tha Lai për gazetën Southern Metropolis Daily Më duket se isha e pandërgjegjshme për dy ose një minutë, përpara se të zgjohesha. Nuk arrija që të lëvizja”, tha gruaja.
Tani është e shtruar në spital, por sutjenat evituan goditjen fatale, pavarësisht se ka në gjoks disa plagë të rënda.
