Goditet nga rrufeja, por shikoni çfarë i ndodh
“U godita nga një rrufe dhe e gjeta veten me fuqi paranormale”. Kështu thotë fotografi australian Brian Skinner, i cili prej disa ditësh e ka përditësuar CV-në e tij me zërin “super hero”.
Gjithçka në sajë të një rrufeje që e goditi gjatë një stuhie. Skinner, i cili jeton në veri të Sidnei, sapo do shkrepte aparatin e tij fotografik, kur një rrufe ra më pak se pesë metra larg tij. Duke folur për “Daily Mail” ai thotë se: “Sapo preka aparatin fotografik, pashë rrufenë që kaloi përmes dorës time. Ishte një eksperiencë e pashpjegueshme. M’u duk sikur më goditi një çekiç i madh”. Megjithatë nga incidenti nuk pati pasoja të rënda, përveç një unaze që mbante në dorë e cila u dëmtua.
Diçka ama ka ndryshuar dhe këtë e thotë vetë Brian: “Pas afro një jave vura re që kisha shqisa shumë më të zhvilluara. Arrija të shihja gjëra të cilat normalisht nuk i shikoja dhe dëgjoja në distanca të mëdha. Kisha edhe aftësi psikike. Ishte eksperienca më e rrallë që kam kaluar. Shikoja njerëzit dhe dëgjoja atë që thoshin, njëlloj si të flisnin me mua. Pyesja veten se mos ishin aluçinacione, por nëse u thoja njerëzve diçka të tillë, të gjithë më shikonin çuditshëm”
