Një megaoperacion ndërkombëtar në fushën e trafikut të drogës është zhvilluar dje në Shqipëri.
Më 6 maj Policia e Shtetit nën drejtimin e Prokurorisë për Krime të Rënda, në bashkëpunim me njësinë për hetimin e hetimit të narkotikëve dhe autoriteteve policore greke, pas 10 muajsh hetime, finalizuan operacionin “Brezi i Gjelbër”.
Drejtori i Përgjithshëm i Policisë së Shtetit, Ardi Veliu njoftoi sot goditjen e një karteli që vepronte në Shqipëri dhe Greqi.
Në kuadër të këtij operacioni është sekuestruar një sasi e madhe droge në dy vendet si dhe janë arrestuar 61 persona, mes tyre 22 shqiptarë.
Megaoperacioni u finalizua në bashkëpunim me autoritetet greke, pas një hetimi 10 mujor me metoda speciale, në të cilën morën pjesë edhe FNSH, policia e Vlorës, Gjirokastrës, Fierit, Korçës, Tiranës dhe Sarandës.
Mes të arrestuarve janë Florenc Llanaj, nëndrejtor i spitalit të Sarandës, si dhe Adrian Xhibro, mbrojtësi i cili aktivizohet me ekipin e Delvinës, në grupin B të Kategorisë së Dytë.
Mbrojtësi Xhibro, ka qenë më parë edhe pjesë e skuadrave si Butrinti, Albpetroli, dhe së fundmi tek Delvina. Pesë prej të ndaluarve janë edhe Edvin Xhibro, Mikel Jorgji dhe Armando Zholi. Ndërkohë, dy femra po hetohen në gjendje të lirë.
/a.rada
