Një aksion i “blic” në qytetin e Shkodrës ka vënë në pranga plot 14 shtetas.
Mësohet se operacioni ka nisur orët e para të së enjtes dhe të arrestuarit janë pjesë e një grupi të strukturuar në fushën e dhënies dhe marrjes së fajdeve ndaj qytetarëve.
Ne total lista e personave për të cilët policia ka ekzekutuar urdhërat e ndalimit është 14 shtetas ndërkohë që ky numer pritet të shtohet.
Forcat e Policisë nga Tirana kanë zbarkuar në Shkodër që në orën 04:00 të mëngjesit duke nisur menjëherë operacionin.
Në të kanë marrë pjesë forcat RENEA, FNSH dhe ‘Shqiponja’ të cilat janë shpërndarë në pika të ndryshme në qytet.
Fajdet janë kthyer në një shqetësim në Shkodër ndaj policia e shtetit pas përgjimeve për afro dy muajsh ka goditur duke arrestuar grupin në fjalë.
Në vazhdim pritet që policia të japë më shumë detaje si edhe emrat e të arrestuarve.
/a.rada
