Policia e Tiranës arrestoi 5 trafikantë gjatë një operacioni antidrogë në Tiranë ditën e djeshme, duke arrestuar 5 trafikantë.
Gjatë operacionit të koduar me emrin “Qelqi”, u sekuestruan 30 kg kanabis sativa dhe një armë pa leje e llojit “Shotgun”.
Të arrestuarit janë:
– Ilir Zyberi (Avdillari), 46 vjeç, banues në Tiranë, i dënuar më parë.
– Fabian Zyberi (Avdillari), 20 vjeç, banues në Tiranë.
-Gentian Boci, 32 vjeç, banues në Tiranë.
– Odisjen Sakollari, 24 vjeç, banues në Tiranë.
– D. A., 17 vjeç, banues në Tiranë.
Arrestimi i këtyre shtetasve u bë pasi në bashkëpunim me njëri tjetrin dyshohen se kryenin aktivitetin e kundraligjshëm të shitjes së lëndëve narkotike të dyshuar të llojit “Cannabis Sattiva” drejt personave të ndryshëm në zonën e Kombinatit ,Yzberishtit dhe Kasharit.
Për këta shtetas kishte informacione policore se posedonin një sasi të konsiderueshme me lënde narkotike të llojit Cannabis Sattiva dhe këtë sasi e mbanin të fshehur në banesën e shtetasit Ilir Zyberi , ku më pas do të bënin dhe shitjen e saj.
Gjatë kontrollit të ushtruar në banesën e shtetasit Ilir Zyberi është bërë neutralizimi dhe prangosja në flagrancë e shtetasve të sipërshënuar të cilët po organizonin shitjen e lëndës së dyshuar .
Në cilësinë e provës materiale është sekuestruar:
– 5 (pesë) thasë me forma dhe permasa të ndryshme me lëndë të dyshuar narkotike të llojit Cannabis Sattiva.
– 1 armë e llojit “SHOTGUN”
– 3 telefona celular
– 1 palë pranga
– 1 thikë.
